Ar ôl ail-ddechrau’r podlediad eleni (2025), rwy’n chwilio am bobl i gymryd rhan yn y gyfres nesaf. Oes gennych chi stori da am ddysgu Cymraeg fel oedolyn? Allech chi ysbrydoli dysgwyr eraill trwy rannu’ch profiadau? Dyma’ch cyfle! (Dyddiad cau – 5/12/2025 wedi ymestyn i 12/12/2025)
Beth ydy Podlediad Hefyd?
Dechreuais i Bodlediad Hefyd yn 2021. Ro’n i wedi dysgu Cymraeg fy hun, ac ro’n i’n teimlo bod potensial i rannu straeon siaradwyr newydd er mwyn ysbrydoli dysgwyr, magu hyder, a chreu rhywbeth diddorol i bawb sy’n deall y Gymraeg.
Dros dwy flynedd, siaradais i gyda dros 20 o bobl o gefndiroedd amrywiol. Roedd hi’n wych i glywed pam ddechreuon nhw ddysgu, cyfrinachau eu llwyddiant, y heriau, a sut maen nhw’n defnyddio’r iaith o ddydd i ddydd.
Gwnes i ail-lansio’r podlediad yn 2025 gyda chyfres o chwech pennod newydd.
Pwy sy’n gallu bod yn westai?
Rwy’n chwilio am 5 o bobl ychwanegol i fod yn westeion yng nghyfres 3 (mae gen i un cyfweliad wedi’i recordio’n barod).
Y bwriad ydy cynllunio a recordio’r penodau yn ystod hydref-gaeaf 2025/6, a’u cyhoeddi yng ngwanwyn 2026.
Eisiau cael eich ystyried? Mae’n rhaid i chi fod yn:
- Oedolyn (18+) sydd wedi dysgu Cymraeg fel oedolyn
- Siaradwr eitha rhugl, ond does dim rhaid i chi fod yn berffaith – Cymraeg digon da i gynnal sgwrs am 20 munud.
- Rhywun gyda chefndir/stori diddorol – beth sy’n eich gwneud chi’n wahanol?
- Rhywun sy’n defnyddio’r iaith yn rheolaidd
- Fodlon rhannu eich stori, a lluniau ohonoch chi, yn gyhoeddus ar y podlediad ac ar y we/cyfryngau etc.
Cymerwch ran!
Os mae hwn o ddiddordeb, anfonwch ebost ataf gyda manylion bras am sut a pham dych chi wedi dysgu Cymraeg.
Yn anffodus, allai ddim gynnwys pawb. Felly byddai’n chwilio am y straeon mwyaf diddorol, yn ogystal â sicrhau bod amrywiaeth o gyfranogwyr.
Byddai’n trefnu sgwrs cynllunio cyn recordio unhryw beth, a byddai’n defnyddio eich data chi o fewn termau fy mholisi preifatrwydd.
Ebostiwch: helo@richardnosworthy.cymru erbyn 5/12/2025 12/12/2025
Gwrandewch – a rhannwch eich barn/cwestiynau
Er mwyn sicrhau eich bod chi’n clywed y penodau newydd, tanysgrifiwch i’r podlediad ar eich hoff ap chi – ar Y Pod, Apple Podcasts, Spotify, Pocket Casts, Youtube, ac apiau eraill.
Mae 27 o benodau i chi fwynhau’n barod. Byddwn i’n ddiolchgar iawn am eich sgoriau (ratings) ac adolygiadau!
A dilynwch Podlediad Hefyd ar Mastodon er mwyn dilyn diweddariadau a chyfrannu at y sgwrs.