Os dych chi’n gweithio i elusen neu sefydliad cyhoeddus, mae’n debygol bod chi’n cael cyfleoedd i wneud cyfweliadau yn y cyfryngau. Ond sut gallech chi sicrhau bod e’n llwyddiant, nid llanast? Yn fy sesiynau hyfforddiant cyfryngau, dyma rhai o’r pethau rwy’n awgrymu dylai pob llefarydd osgoi.
Pethau sy’n tynnu sylw
Byddwch yn ymwybodol o unrhywbeth rhyfedd gall tynnu sylw y gwylwyr i ffwdd o’r geiriau sy’n dod allan o’ch ceg. Os oes creision yd wedi’u sticio i ochr y ceg yno bydd neb yn sylwi am beth dych chi’n son.
Ateb y cwestiwn (gormod)
Ond, mae’n rhaid ateb y cwestiwn, on’d oes?!
Meddyliwch amdani fel hyn: mae eich ‘screen time’ yn gyfle prin i rannu eich neges gyda miloedd o bobl. Felly mae’n gwneud synnwyr i ddefnyddio’r amser yna i ddweud beth dych chi eisiau dweud.
Yr ateb, felly, ydy paratoi prif negeseuon a sicrhau bod nhw’n cael eu darlledu.
Ateb rhy hir
Yn aml, mewn cyfweliad ‘pre-record’, bydd y gohebydd yn chwilio am ateb sy’n crynhoi eich barn mewn 15-20 eiliad, ar y mwyaf.
Yn ddelfrydol bydd ‘na dechrau a diwedd clir. Os mae’r atebion yn rhy hir, mae’n bosib iawn bydd rhai o’ch geiriau yn cael eu torri allan.
Swnio’n fflat
Dydy newyddiadurwyr ddim yn eich gwahodd chi i wneud cyfweliad i rannu ffeithiau’n bennaf. Maen nhw eisiau barn. Gwell fyth os mae’n amlwg bod chi’n credu’n gryf yn eich achos a neges. Bydd ateb sydd ond yn dweud y ffeithiau mewn ffordd fflat ddim yn ysbrydoli unrhyw un. Mewn gwirionedd, bydd gwylwyr y rhaglen yn troi at Facebook neu gyflwr y carped.
Siarad siop
Peidiwch â siarad am strategaethau, gweledigaethau, fframweithiau ac yn y blaen. Does dim ots ‘da neb beth dych chi’n dweud mewn cyfarfodydd mewnol hirwyntog. Y cwestiwn ydy: beth mae hyn yn meddwl i’r person ‘ar y stryd’.
Diffyg paratoi
Mae paratoi yn gwbl allweddol i wneud cyfweliad da. Er mwyn creu argraff da, chi angen bod yn barod. Barod gyda beth dych chi eisiau dweud, a barod am bethau allai mynd yn rong fel cwestiwn embarassing neu eich plentyn yn byrstio mewn yn gofyn i fynd i’r toiled.
Crynodeb
Mae ‘na llawer o fanteision i wneud cyfweliadau teledu, a gobeithio byddwch chi’n llwyddo osgoi rhai o’r risgiau uchod! Os hoffech chi fwy o gymorth i sicrhau bod chi’n disgleirio ar y sgrîn, beth am gysylltu â fi am sesiwn hyfforddiant cyfryngau?